മൂന്നു വയസായി പാർവതിക്ക്
കണ്ണിൽ കവിഞ്ഞ തലമുടിയും
കാലേ കുളിച്ചവൾ മഞ്ഞളാടി
കണ്ണുമെഴുതി കുറിയുമിട്ടു
കാലുകഴുകി കറുകച്ചൂടി
പട്ടുടയാട ഞൊറിഞ്ഞുടുത്തു
അച്ഛന്റെ മുമ്പിലും ചെന്നു നിന്നു
അച്ഛാ ഞാൻ പോട്ടെ തപസിരിക്കാൻ
ഏതെത് കാട്ടിൽ തപസിരിക്കും
പുല്ലും ചമതയുമുള്ള കാട്ടിൽ
അമ്മേടെ മുമ്പിലും ചെന്നു നിന്നു
അമ്മേ ഞാൻ പോട്ടെ തപസിരിക്കാൻ
ഏതെത് കാട്ടിൽ തപസിരിക്കും
പുല്ലും ചമതയുമുള്ള കാട്ടിൽ
ആരെയുറച്ചു തപസിരിക്കും
ശിവനെയുറച്ചു തപസിരിക്കും
ഞാനിതാ ശ്രീപാദം കൈതൊഴുന്നേൻ
No comments:
Post a Comment